તપ (સંઘર્ષ) સાંભરે,
તપસ્વી (દાદા) સાંભરે...
બોરડીના મીઠા બોર સાંભરે,
વ્હાલા અમારા માલ - ઢોર સાંભરે...
વરસાદી માહોલ સાંભરે,
ધોળા - "રૂ" નો મોલ સાંભરે...
જેનાથી બીતા ઈ બાવો સાંભરે,
મીઠા પાણીનો કૂવો સાંભરે...
ઝાડીએ અથડાતા પવનના વાણા સાંભરે,
રોંઢાના ઈ ટાણા સાંભરે...
દાદા,
તમારી ખેતીનું શાણપણ સાંભરે,
અહીં આવુંને મુને,
મારી મસ્તીનું બાળપણ સાંભરે...
(વર્ષો પછી નવા વર્ષના પાવન દિવસે અમારી નાની વાડીએ... મનના ભાવો...બાળપણ તાજું થાય... દાદા સાંભરે...)
Author:
Uttam Trasadiya
Date: 05.11.2021
Email: uttam@uttamtrasadiya.in
