Uttam Trasadiya

  આદર્શ શિક્ષક, આદર્શ માર્ગદર્શક અને આદર્શ વ્યક્તિત્વ ડો. નિર્મલદાન ગઢવી વર્ષ 2014 માં મોરડ ગામ ને એક એવા વ્યક્તિત્વ ની ભેટ મળી જેના લીધે આજે આપ ત્યાં જઈને જોઈ શકો કે ગામ નો નકશો જ કંઈક અલગ છે.  ગુજરાત ના સાહિત્ય જગત ના ગૌરવ સમાં વ્યક્તિ ડો. નિર્મલદાન મોરડ પ્રાથમિક શાળા ના આચાર્ય તરીકે નિમાયા અને 2014 માં મોરડ માં આવ્યા.  વર્ષ 2014 નો ઉલ્લેખ ખાસ એટલા માટે કરું છું કારણકે ગામ માં જે કાંઈ પરિવર્તન આવ્યું છે એ માત્ર ને માત્ર 2014 પછી આવ્યું છે જેનું સાક્ષી આખું ગામ છે...આજે પણ... ગામ માં અસામાજીક તત્વો નો ખુબ ત્રાસ હતો, એ તત્વોની કુટેવો ના લીધે આખું ગામ પીડાતું હતું. વર્ષ 2014 માં ડો. ગઢવીના આચાર્ય બન્યા પછી આજે એ તત્વો વાલિયા લૂંટારા માંથી વાલ્મિકી બન્યા હોય એટલું જોરદાર પરિવર્તન દેખાય છે. મોરડ ગામ આણંદ જિલ્લાના ખૂબ અંતરિયાળ વિસ્તાર તરીકે ઓળખાય અને ત્યાં રાત્રે જતા પણ બીક લાગે આજે એ ગામ ડો.ગઢવી નું ગામ એમ ઓળખાય છે.  વિદ્યાર્થીઓને બેસવા માટે પૂરતા વર્ગખંડ નહિ , પૂરતી વ્યવસ્થા નહિ આજે જઈ ને જોશો તો ખબર પડશે ડો.ગઢવીના અથાગ પ્રયત્ન સ્વરૂપે ગામ ને 85 લાખ રૂપિયા ની સરકારી ગ્...

  વંદન એ વિભૂતિને જેણે, રાજ - રત્નો એક કર્યા...  એ રાજ - રત્નો સાથે મળી, રાષ્ટ્ર રૂપે અવતર્યા... રાષ્ટ્ર ના અવતરણ થકી જેણે, અખંડતા નો સંદેશ દીધો... કેમ ભૂલીએ ઉપકાર એનો જેણે, રાષ્ટ્ર માટે ભેખ લીધો... અંતિમ શ્વાસ સુધી જેણે, સાદગી છોડી નહીં... માનવ કલ્યાણ માટે જેણે, કર્મ ને ધર્મ કીધો...  વંદન - સરદાર 💐🚩🙏🏻 Author: Uttam Trasadiya Date: 15.12.2021 Email: uttam@uttamtrasadiya.in

તારા જન્મદિવસે એક કાગળ લખું, કાગળ માં ક્ષણોની સાંકળ લખું... ક્યાંક સ્નેહભર્યું સ્મિત લખું, ક્યાંક તારા સ્વભાવનું મિત લખું...  યાદ કરી સાથે વિતાવેલી પળ લખું, તારી દોસ્તી થી મળેલું પીઠબળ લખું...  આપણી મિત્રતાની એ શ્રેષ્ઠ કક્ષા લખું, કક્ષા કેળવવા અપાતી કઠોર પરીક્ષા લખું... તારી તંદુરસ્તી માટે મજાની પ્રાર્થના લખું, તારી મસ્તી માટે મજાની શુભેચ્છા લખું... તારા જન્મદિવસે એક કાગળ લખું, કાગળમાં ક્ષણોની સાંકળ લખું... જન્મદિવસની ખુબ ખુબ શુભેચ્છાઓ વ્હાલા રામ ❤️ Author: Uttam Trasadiya Date: 01.12.2021 Email: uttam@uttamtrasadiya.in

તપ (સંઘર્ષ) સાંભરે, તપસ્વી (દાદા) સાંભરે... બોરડીના મીઠા બોર સાંભરે, વ્હાલા અમારા માલ - ઢોર સાંભરે... વરસાદી માહોલ સાંભરે, ધોળા - "રૂ" નો મોલ સાંભરે... જેનાથી બીતા ઈ બાવો સાંભરે, મીઠા પાણીનો કૂવો સાંભરે... ઝાડીએ અથડાતા પવનના વાણા સાંભરે, રોંઢાના ઈ ટાણા સાંભરે... દાદા, તમારી ખેતીનું શાણપણ સાંભરે, અહીં આવુંને મુને, મારી મસ્તીનું બાળપણ સાંભરે... (વર્ષો પછી નવા વર્ષના પાવન દિવસે અમારી નાની વાડીએ... મનના ભાવો...બાળપણ તાજું થાય... દાદા સાંભરે...) Author: Uttam Trasadiya Date: 05.11.2021 Email: uttam@uttamtrasadiya.in

  "સફળતા મળતી નથી, મેળવવી પડે છે" આ શબ્દો છે ગુજરાતના છેવાડાના ગામથી ઉગી રહેલા એક "દોડવીર સાવજના" ઘનશ્યામ રમેશભાઈ સુદાણી ! 25 વર્ષના આ યુવાને એવી સિદ્ધિઓ મેળવી છે જે સામન્યતઃ અસાધારણ છે. સ્કૂલમાં નાનપણથી દોડની સ્પર્ધામાં ભાગ લેતા લેતા પોતાની કારકિર્દી રમતગમત ક્ષેત્રે જ બનાવવી છે એવું નક્કી કરીને નીકળેલો આ યુવાન સોમનાથથી મહાદેવના દર્શન કરીને નીકળે છે અને 1800 કિલોમીટરનું અંતર કાપી રાઘવેન્દ્ર સરકારને અયોધ્યામાં જઈ ને ધજા ચડાવે છે. ગિનિસ બુક ઓફ વર્લ્ડ રેકોર્ડ દ્વારા નોંધવામાં આવે છે કે માત્ર 21 દિવસમાં 1800 કિલોમીટર દોડી જવું એ અસાધારણ સિદ્ધિ છે. અમદાવાદના રાજપથ ક્લ્બમાં નોન - સ્ટોપ 72 કલાક સુધી દોડવાનો રેકોર્ડ ધરાવતા આ વિરલાની એક જ ધૂન છે દેશને રમત ગમત ક્ષેત્રે ગોલ્ડ મેડલ અપાવવો છે. ફરી એ જ જોમ એ જ જુસ્સા સાથે 2024ના પેરિસ ઓલમ્પિકની તૈયારી કરવા 14.10.2021 થી આફ્રિકા અને રશિયા એમ વિદેશ પ્રવાસે જઇ રહ્યા છે પરમ સખા ઘનશ્યામ સુદાણી ! પરિણામ એ સમયના હાથની વાત છે પરંતુ પ્રયત્નો ને સો સો સલામ દોસ્ત ! અભિનંદન દોસ્ત, આપ કલરવ પરિવારના સદસ્ય છો એ વાતનું વિશેષ ગૌરવ છે વ્હાલા. કલરવ...

ઓમ શાંતિ ફુઆ સ્વ. કાંતિભાઈ રાઘવભાઈ લાડોલા  ............................................ આપ ક્યારેય સ્વર્ગસ્થ ન થઈ શકો, આપ હ્ર્દયસ્થ થયા છો. બાલમંદિર માં ભણતો ત્યારે મને ધૂળ માં બેસી રહેવાની આદત હતી, સ્કૂલે આવીને કાન પકડીને બેસાડતા તમે એ કેમ ભૂલી શકું ? સૈનિક સ્કૂલ માં આવીને 6ઠ્ઠા ધોરણ માં ભણતા એ ઉત્તમ સાથે અન્યાય થયો તો તમે રેક્ટર ને બધા વચ્ચે ખખડાવેલો એ કેમ ભૂલી શકું ? પછી તો 12માં ધોરણ સુધી તો તમારી પાસે રહીને જ ભણ્યો "આદર્શ" માં, ઘણી વખત ખીજાઇ જતા તમે, પણ આજે ખાલીપો દેખાય છે એ ટકોર કરનાર નો ! એન્જીનીયરીંગ થી લઈને એમ.બી.એ સુધી અને એમ.બી.એ થી લઈ ને મોરબી શિફ્ટ થયો ત્યાં સુધી તમે હરપળ મારા પપ્પા પાસે થી મારા સમાચાર લેતા રહ્યા, મારી નાની મોટી મુશ્કેલી માં આપ મને મનોબળ આપતા રહ્યા અને ભૂલ કરું ત્યાં ટપારતા રહ્યા. એ વસવસો કાયમ માટે રહેશે કે જ્યારે ખરેખર આપની ઇનોવેટિવ નિર્ણયશક્તિ ની જરૂર પડી એ ફેસ માં પહોંચ્યો (ધંધામાં) ને તમે વિદાય  લીધી. આજથી થોડા દિવસ પહેલા મારી સગાઈમાં હાજર રહ્યા અને આનંદ કર્યો અને અચાનક તમારી માંદગી ! મારી સગાઈના આગલા દિવસે તમારો ફોન આવ્યો કે,"વરરાજા કાલ...

એમ જ ખુશ દેખાતી પ્રકૃતિના , હર એક કણ માં આજે ડર નો આભાસ છે , હારી થોડું જવાય એમ જ ???  “ જિંદગી તું ખાસ છે”   ન કોઈ તકરાર - ન કોઈ દુશ્મની ,  તો પણ માનવ ના મન માં કંઈક તો આભાસ છે , હારી થોડું જવાય એમ જ ???   “ જિંદગી તું ખાસ છે”     ઈશ્વર ની વ્યવસ્થા પર શંકા કરનાર ને , આજે ઓક્સિજન ની બોટલ પર વિશ્વાસ છે , હારી થોડું જવાય એમ જ ???  “ જિંદગી તું ખાસ છે"   સંબંધો ની માયા માં રહેનાર આજે એકલો જણાય છે , નથી ખબર કે આ કેવી કચાશ છે ,  હારી થોડું જવાય એમ જ ???  “ જિંદગી તું ખાસ છે”     પડ્યો છું તો ઉભો થઈશ ,  ઉભો થઈ ને ટેકો થઈશ ,    સાથે મળી ને સૌ કોઈ ની ,  ફેલાવવી માનવતાની સુવાસ છે ,   હારી થોડું જવાય એમ જ ???  “ જિંદગી તું ખાસ છે”       Author: Uttam Trasadiya Date: 17.04.2021 Email: uttam@uttamtrasadiya.in

ગુજરાતી, હિન્દી અને અંગ્રેજી ભાષા માં ઉપલબ્ધ અનેક સિરિજ અવાર નવાર જોતો હોઉ છું અને ઘણી બધી વખત રિવ્યુ લખવાનું મન પણ થાય છતાં નથી લખતો સમય ના અભાવ ને કારણે અથવા તો સિરીજ ની લોકપ્રિયતા ને લીધે ! હા; સિરિજ ની લોકપ્રિયતા ને લીધે પણ ઘણી વખત લખી નથી શકાતું કારણ કે લોકપ્રિય સિરિજ ની ગહનતા લોકો સરળતા થી સમજી શકતા હોય છે જેથી વધારે કાઇ કહેવાની કે લખવાની જરૂર રહેતી નથી.  પણ, આજે એક એવી જ મજેદાર સિરીજ વિશે લખવાનું મન થયું જે જસ્ટ થોડા દિવસો પહેલા જ રિલિજ થઇ છે.  સિરિજ નું નામ છે "well done baby" મરાઠી ભાષા માં છે તો બની શકે ગુજ્જુ લોકો ને જોવાનું મન ન થાય , છતાં સ્ટ્રૉન્ગલી રિકમેન્ડ કરું છું કારણકે દોઢ કલાક ની આ સિરિજ માં ભાષા કરતાં લાગણી નું મહત્વ વધારે છલકાય છે.  ગુસ્સો, ગેર સમજ,  એક બીજા થી દૂર જતાં રહેવાની તૈયારી છતાં ક્યારેય જુદા નહિ થવાની ભાવના ! ગેર સમજણ ક્ષણિક હોય છે જ્યારે પ્રેમત્વ અમર છે આ વાત આજ ના યુવાનોએ સમજવા જેવી છે.  આપણે સમાજ માં અવાર નવાર અનુભવ કરીએ છીએ અને જોઈએ છીએ કે નાની નાની વાત માં લગ્નજીવન ની પૂર્ણાહુતિ સુધી પહોંચી જાય છે આજની કહેવાતી મોર્ડન પેઢી....