કમોસમી વરસાદ : પ્રકૃતિ નું હનન કરી માનવ પોતે જ પોતાના લાઈફ ઈન્સ્યોરન્સની વેલીડીટી એક્સપાયર કરી રહ્યો છે.
કુદરત જ્યારે સળંગ ચાલે ત્યારે જ જીવન સળંગ ચાલે. કુદરતને અવગણીને વિકાસ જેવો દેખાતો માર્ગ, હકીકતમાં વિનાશનું શોર્ટકટ સાબિત થઈ રહ્યો છે અને આ શોર્ટકટ લેવામાં હું ને તમે બધા આવી ગયા ... ખરેખર વિચારવા જેવું છે 🙏🏻
માવઠું હોય કે કમોસમી વરસાદ, વાતાવરણનું તાપમાન પલટી જાય કે હવા-પાણી ગંદા થઈ જાય… આ બધું કોઈ જાદુથી નથી થતું એ તો આપણાં જ હાથથી કરાયેલા કામોનું સીધું-સીધું રીટર્ન છે 😶🌫️ અને જ્યારે ભૂલ નો આભાસ થાય ત્યારે સ્વીકારી ને હજી પાછું વળવું એ મૂર્ખામી નથી ... વાલિયો લૂંટારો જો વાલ્મીકી થઈ શકે તો હજી માનવ માત્ર સુધરે એટલે આ પ્રકૃતિ ફરી ખિલખિલાટ કરી શકે.
આપણે શહેર વધાર્યા, રોડ-બ્રિજ બનાવ્યા, ઉદ્યોગો ઉભા કર્યા પરંતુ કુદરતના મૂળભૂત સિદ્ધાંતો અને નિયમોને અવગણ્યા. ઝાડ કાપવા, ભુમિનો અનિયંત્રિત ઉપયોગ, પાણીના સ્રોતોનો દુરુપયોગ, વાહનોથી ફાટી નીકળતો ધુમાડો, પ્લાસ્ટિકના પહાડ, આ બધા કારણે પૃથ્વીનું સ્વાસ્થ્ય ખરાબ થઈ ચૂક્યું છે.
પ્રદૂષણ વધ્યું એટલે વાતાવરણની ગતિ પણ ભટકાઈ ગઈ. એનું પરિણામ છે આ કમોસમી વરસાદ 🌧️
અને આ વરસાદનું નુકસાન કોને?
કોઈ મંત્રીઓની બારીઓમાં તો પાણી ભરાતું નથી. સમસ્યા તો સામાન્ય જન અને ખેડૂતોને જ ચિંગમ ની જેમ ચોંટે છે.
નીપજ ને પાક બરબાદ થાય,
ખેડૂતના સ્વપ્નો પણ ભીની માટીમાં રગદોળાય,
સરકાર સહાય જાહેર કરે એટલે સરકારી તિજોરીને નુકશાન,
ફેક્ટરીઓના કામધંધામાં આંટાઘૂંટી ને વિલંબ,
રસ્તા ડૂબે પાણીમાં ને,
શાળા-કોલેજમાં અકારણ રજા રાખવાને લીધે બાળકોના અભ્યાસમાં ખાડો,
હોસ્પિટલોમાં દર્દીઓ વધે,
મચ્છરજનક બીમારીઓનો પ્રકોપ અને આવું ઘણું બધું ... આમ સમગ્ર સમાજની ગતિ ધીમી પડી જાય.
પ્રકૃતિ કોઈ દુશ્મન નથી
એ તો આપણી માતા છે 🌱
માત્ર એક સિદ્ધાંત યાદ રાખવો
જ્યાં કુદરતનો સહકાર
ત્યાં જીવનનો ઉછેર
જ્યાં કુદરતને ઇજા
ત્યાં જીવનમાં સંકટ
મારી સમજણમાં દિવાળી 🪔 પછી વરસાદ નો બનાવ આ પહેલો છે અને એ ગ્લોબલ વોર્મિંગ નો જ પ્રભાવ છે.
પ્રકૃતિ હજી માવઠા રૂપે પ્રહાર કરીને આપણને વિનંતી કરે છે કે,
“મને બચાવો, તો હું તમને બચાવીશ”
સવાલ એટલો જ છે કે
આપણે ક્યારે સમજીશું ? ? ?
માટે હવે જાગવાની વેળા છે.
ઝાડ લગાવીએ. પ્રદૂષણ ઘટાડીએ. પ્લાસ્ટિકનો ત્યાગ કરીએ. પાણી બચાવીએ.
પ્રકૃતિને સહકાર આપીએ એ આપણાં જીવનનો સૌથી મોટો લાઇફ ઇન્સ્યોરન્સ છે 🌍
✍️ ઉત્તમ ત્રાસડીયા ૨૭.૧૦.૨૦૨૫